10+2 అర్హతతో ఏపీ కేంద్రీయ విద్యాలయంలో డేటా ఎంట్రీ ఆపరేటర్ ఉద్యోగాలు 2026.. వాక్-ఇన్ ఇంటర్వ్యూ ద్వారా ఎంపిక! |AP Kendriya Vidyalaya Data Entry Operator Notification 2026
AP Kendriya Vidyalaya Data Entry Operator Recruitment 2026 : గుంటూరులోని పీఎం శ్రీ కేంద్రీయ విద్యాలయం 2026-27 విద్యా సంవత్సరానికి పలు పోస్టుల భర్తీకి నోటీసు విడుదల చేసింది. TGT సోషల్ సైన్స్, ప్రాథమిక ఉపాధ్యాయుడు (PRT), విద్యా సలహాదారు, తెలుగు ఉపాధ్యాయుడు, డేటా ఎంట్రీ ఆపరేటర్ పోస్టులకు అర్హులైన అభ్యర్థులు దరఖాస్తు చేసుకోవచ్చు. ఈ నియామకాలు పూర్తిగా ఒప్పంద ప్రాతిపదికన చేపట్టనున్నారు. ఆసక్తి ఉన్నవారు అక్టోబర్ 28న నిర్వహించే వాక్-ఇన్ ఇంటర్వ్యూకు హాజరుకావాలి.
AP Kendriya Vidyalaya Data Entry Operator Recruitment 2026 Overview
• సంస్థ పేరు: పీఎం శ్రీ కేంద్రీయ విద్యాలయం, నల్లపాడు, గుంటూరు
• పోస్టులు: TGT సోషల్ సైన్స్, PRT, విద్యా సలహాదారు, తెలుగు ఉపాధ్యాయుడు, డేటా ఎంట్రీ ఆపరేటర్
• నియామక విధానం: వాక్-ఇన్ ఇంటర్వ్యూ
• ఉద్యోగాల ప్రాతిపదిక: కాంట్రాక్ట్
• ఇంటర్వ్యూ తేదీ: 28 అక్టోబర్ 2026
• సమయం: ఉదయం 9 గంటల నుంచి సాయంత్రం 4 గంటల వరకు
• ఇంటర్వ్యూ వేదిక: పీఎం శ్రీ కేంద్రీయ విద్యాలయం, నల్లపాడు, గుంటూరు, ఆంధ్రప్రదేశ్ – 522005.
పోస్టుల వారీగా అర్హతలు
1. TGT సోషల్ సైన్స్ : గుర్తింపు పొందిన విశ్వవిద్యాలయం నుంచి సంబంధిత సబ్జెక్టుల్లో కనీసం 50% మార్కులతో బ్యాచిలర్ డిగ్రీ, B.Ed. అర్హత ఉండాలి. చరిత్ర, భూగోళశాస్త్రం, అర్థశాస్త్రం, రాజనీతి శాస్త్రం సబ్జెక్టుల్లో నోటిఫికేషన్‌లో పేర్కొన్న నిబంధనలకు అనుగుణంగా చదివి ఉండాలి. CTET పేపర్-II అర్హత ఉన్నవారికి ప్రాధాన్యత ఉంటుంది. కంప్యూటర్ పరిజ్ఞానం, హిందీ, ఇంగ్లీష్ మాధ్యమాల్లో బోధించే నైపుణ్యం అదనపు అర్హతలుగా పరిగణిస్తారు.
2. ప్రాథమిక ఉపాధ్యాయుడు (PRT) : 12వ తరగతిలో కనీసం 50% మార్కులతో ఉత్తీర్ణతతో పాటు D.El.Ed., B.El.Ed. లేదా నోటిఫికేషన్‌లో పేర్కొన్న అర్హతలకు అనుగుణమైన స్పెషల్ ఎడ్యుకేషన్ డిప్లొమా ఉండాలి. CTET పేపర్-I అర్హత కూడా అవసరం. కంప్యూటర్ పరిజ్ఞానం, ఇంగ్లీష్‌తో పాటు హిందీ లేదా ఇతర భారతీయ భాషలో పని చేసే నైపుణ్యం ఉండటం మంచిది.
3. విద్యా సలహాదారు (Educational Counsellor) : సైకాలజీలో BA, B.Sc., MA లేదా M.Sc.తో పాటు కౌన్సెలింగ్‌లో డిప్లొమా లేదా సర్టిఫికెట్ ఉండాలి. విద్యార్థులకు కెరీర్ లేదా విద్యాపరమైన కౌన్సెలింగ్ అందించిన అనుభవం, కంప్యూటర్ పరిజ్ఞానం ఉన్నవారికి ప్రాధాన్యత ఉండవచ్చు.
4. తెలుగు ఉపాధ్యాయుడు : గుర్తింపు పొందిన విశ్వవిద్యాలయం నుంచి సంబంధిత సబ్జెక్టులో కనీసం 50% మార్కులతో బ్యాచిలర్ లేదా ఆనర్స్ డిగ్రీ ఉండాలి. డిగ్రీలో కనీసం మూడు సంవత్సరాలు లేదా ఆరు సెమిస్టర్ల పాటు తెలుగును ప్రధాన లేదా ఐచ్ఛిక సబ్జెక్టుగా చదివి ఉండాలి. అదనంగా B.Ed. లేదా నోటిఫికేషన్‌లో పేర్కొన్న సమాన అర్హత, CTET పేపర్-II అర్హత అవసరం.
5. డేటా ఎంట్రీ ఆపరేటర్ (DEO) : గుర్తింపు పొందిన బోర్డు నుంచి 12వ తరగతి ఉత్తీర్ణులై ఉండాలి. ఇంగ్లీషులో నిమిషానికి కనీసం 35 పదాలు, హిందీలో నిమిషానికి కనీసం 30 పదాలు టైప్ చేయగలగాలి. విండోస్, MS Office, స్ప్రెడ్‌షీట్లు, ఇ-మెయిల్, ఇంటర్నెట్, Tally వంటి కంప్యూటర్ అప్లికేషన్లపై పరిజ్ఞానం ఉండాలి.
ఇంటర్వ్యూకు తీసుకెళ్లాల్సిన పత్రాలు : అర్హత కలిగిన అభ్యర్థులు ఇంటర్వ్యూకు హాజరయ్యేటప్పుడు ఈ పత్రాలను సిద్ధం చేసుకోవాలి.
• అప్‌డేట్ చేసిన రెజ్యూమె
• విద్యార్హతల ఒరిజినల్ సర్టిఫికేట్లు
• అన్ని సర్టిఫికేట్ల స్వీయ ధృవీకరించిన ఫోటోకాపీలు
• అవసరమైన ఇతర అర్హత, అనుభవ ధ్రువీకరణ పత్రాలు
ముఖ్యమైన నిబంధనలు : ఈ ఉద్యోగాలు 2026-27 విద్యా సంవత్సరానికి పూర్తిగా కాంట్రాక్ట్ ప్రాతిపదికన ఉంటాయి. ఇంటర్వ్యూకు హాజరైన అభ్యర్థులకు ప్రయాణ లేదా దిన భత్యం చెల్లించరు. కాబట్టి వెళ్లే ముందు విద్యాలయం వెబ్‌సైట్‌లో సంబంధిత నోటీసు, అర్హతలు, ఎంపిక నిబంధనలను పరిశీలించడం మంచిది.
సంప్రదింపు వివరాలు
పాఠశాల: పీఎం శ్రీ కేంద్రీయ విద్యాలయం, నల్లపాడు, గుంటూరు
ఫోన్: 0863-2596324, 0863-2596121
ఇమెయిల్: kvnallapaduguntur@gmail.com
వెబ్‌సైట్: https://guntur.kvs.ac.in/
🛑Notification Pdf Click Here
