AP వరద సాయం.. కుటుంబానికి రూ.3,000, 25 కిలోల బియ్యం
AP Flood Relief Rs 3000 Family Ration All Details in Telugu : ఏపీలో భారీ వర్షాలు, వరదలతో ఇబ్బందులు పడిన ప్రజలకు ప్రభుత్వం సాయం ప్రకటించింది. ఒక్కొక్కరికి రూ.1,000, కుటుంబానికి గరిష్ఠంగా రూ.3,000తో పాటు నిత్యావసర సరుకులు అందించనుంది.
ఆంధ్రప్రదేశ్లో ఇటీవల తీవ్ర వాయుగుండం ప్రభావంతో భారీ వర్షాలు కురిశాయి. దీంతో పలు ప్రాంతాల్లో వరదలు రావడంతో ప్రజలు ఇబ్బందులు ఎదుర్కొన్నారు. వరద బాధితులను ఆదుకునేందుకు రాష్ట్ర ప్రభుత్వం ఆర్థిక సాయం, నిత్యావసర సరుకులు అందించాలని నిర్ణయించింది.
ఇందులో భాగంగా 12 జిల్లాల కలెక్టర్లకు ప్రభుత్వం రూ.16 కోట్ల నిధులను విడుదల చేసింది. వరదల కారణంగా ఇబ్బందులు పడిన బాధితులకు ఈ నిధుల నుంచి సాయం అందించనున్నారు. వరద బాధితుల్లో ఒక్కొక్కరికి రూ.1,000 చొప్పున ఆర్థిక సాయం ఇవ్వాలని ప్రభుత్వం ఆదేశించింది. ఒక కుటుంబానికి గరిష్ఠంగా రూ.3,000 వరకు సాయం అందుతుంది.
ఆర్థిక సాయంతో పాటు బాధిత కుటుంబాలకు నిత్యావసర సరుకులు కూడా అందించనున్నారు. ఒక్కో కుటుంబానికి 25 కిలోల బియ్యంతో పాటు కిలో చొప్పున కందిపప్పు, ఉల్లి, బంగాళాదుంపలు, పంచదార ఇవ్వనున్నారు. అలాగే ఒక లీటర్ పామాయిల్ను కూడా అందించనున్నారు.
మత్స్యకార కుటుంబాలకు ప్రత్యేకంగా 50 కిలోల బియ్యం అందించాలని ప్రభుత్వం నిర్ణయించింది. వరదలతో నష్టపోయిన ప్రజలకు తక్షణ ఉపశమనం కల్పించడమే ఈ సాయం ఉద్దేశం. అర్హులైన వరద బాధితులకు స్థానిక అధికారుల ద్వారా సాయం అందించే ఏర్పాట్లు చేయనున్నారు. ప్రభుత్వం విడుదల చేసిన నిధులతో బాధితులకు అవసరమైన సహాయం త్వరగా అందేలా చర్యలు తీసుకోవాలని కలెక్టర్లను ఆదేశించింది.
