ఇండియన్ కోస్ట్ గార్డ్లో సివిలియన్ ఉద్యోగాలు.. 10వ తరగతి, ఇంటర్ అర్హతతో పోస్టులు | Indian Coast Guard Jobs
Latest Indian Coast Guard Civilian Store Keeper, Engine Driver, Lascar, MTS Recruitment 2026 : ఇండియన్ కోస్ట్ గార్డ్లో పలు సివిలియన్ పోస్టుల భర్తీకి నోటిఫికేషన్ విడుదలైంది. ముంబైలోని కోస్ట్ గార్డ్ రీజియన్ (వెస్ట్) ప్రధాన కార్యాలయం ఆధ్వర్యంలో మొత్తం 6 స్టోర్ కీపర్ గ్రేడ్-II, ఇంజన్ డ్రైవర్, లస్కార్, సివిలియన్ మోటార్ ట్రాన్స్పోర్ట్ డ్రైవర్, MTS (ప్యూయాన్), MTS (చౌకీదార్) పోస్టులను ప్రత్యక్ష నియామక పద్ధతిలో భర్తీ చేయనున్నారు. అర్హత ఉన్న భారతీయ అభ్యర్థులు పోస్టు ద్వారా దరఖాస్తు చేసుకోవాలి.
ఈ నియామకానికి సంబంధించిన ప్రకటన 19 నుంచి 25 సెప్టెంబర్ 2026 ఎంప్లాయ్మెంట్ న్యూస్లో ప్రచురితమైంది. దరఖాస్తులు చేరేందుకు చివరి తేదీ 03 నవంబర్ 2026గా పేర్కొన్నారు.
భర్తీ చేయనున్న పోస్టులు : ఈ నోటిఫికేషన్లో స్టోర్ కీపర్ గ్రేడ్-II, ఇంజన్ డ్రైవర్, లస్కార్, సివిలియన్ మోటార్ ట్రాన్స్పోర్ట్ డ్రైవర్, MTS (ప్యూయాన్), MTS (చౌకీదార్) పోస్టులు ఉన్నాయి.
పోస్టులు, అర్హత, వేతనం & వయసు
•స్టోర్ కీపర్ గ్రేడ్-II పోస్టుకు ఒక ఖాళీ ఉంది. ఈ పోస్టుకు 12వ తరగతి ఉత్తీర్ణతతో పాటు స్టోర్ల నిర్వహణలో కనీసం ఏడాది అనుభవం ఉండాలి. పే లెవల్-2 ప్రకారం రూ.19,900 నుంచి రూ.63,200 వరకు జీతం ఉంటుంది. వయసు 18 నుంచి 25 సంవత్సరాల మధ్య ఉండాలి.
•ఇంజన్ డ్రైవర్ పోస్టుకు ఒక ఖాళీ ఉంది. ఈ పోస్టుకు 10వ తరగతి లేదా తత్సమాన అర్హతతో పాటు గుర్తింపు పొందిన ప్రభుత్వ సంస్థ నుంచి ఇంజన్ డ్రైవర్గా సామర్థ్య ధ్రువపత్రం అవసరం. 400 బోట్ హార్స్ పవర్కు పైగా ఉన్న నౌకలో సారంగ్గా రెండేళ్ల అనుభవం కోరుతున్నారు. పే లెవల్-4లో రూ.25,500 నుంచి రూ.81,100 వరకు వేతనం ఉంటుంది. వయసు 18 నుంచి 30 సంవత్సరాలు.
•లస్కార్ పోస్టుకు ఒక ఖాళీ ఉంది. 10వ తరగతి ఉత్తీర్ణతతో పాటు పడవ సేవలో మూడేళ్ల అనుభవం ఉండాలి. ఈ పోస్టుకు పే లెవల్-1లో రూ.18,000 నుంచి రూ.56,900 వరకు వేతనం లభిస్తుంది. వయసు 18 నుంచి 30 సంవత్సరాల మధ్య ఉండాలి.
•సివిలియన్ మోటార్ ట్రాన్స్పోర్ట్ డ్రైవర్ (ఆర్డినరీ గ్రేడ్) పోస్టుకు ఒక ఖాళీ ఉంది. 10వ తరగతి ఉత్తీర్ణత, లైట్ మరియు హెవీ మోటార్ వాహనాలకు చెల్లుబాటు అయ్యే డ్రైవింగ్ లైసెన్స్ తప్పనిసరి. వాహనాల్లో చిన్నపాటి లోపాలను గుర్తించి సరిచేయగల మోటార్ మెకానిజం పరిజ్ఞానం కూడా ఉండాలి. కనీసం రెండేళ్ల డ్రైవింగ్ అనుభవం అవసరం. వయసు 18 నుంచి 27 సంవత్సరాలు. పే లెవల్-2 ప్రకారం రూ.19,900 నుంచి రూ.63,200 వరకు జీతం ఉంటుంది.
•MTS (ప్యూయాన్) పోస్టుకు ఒక ఖాళీ ఉంది. 10వ తరగతి లేదా తత్సమాన అర్హతతో పాటు ఆఫీస్ అటెండెంట్గా రెండేళ్ల అనుభవం ఉండాలి. వయసు 18 నుంచి 27 సంవత్సరాలు. ఈ పోస్టుకు పే లెవల్-1లో రూ.18,000 నుంచి రూ.56,900 వరకు వేతనం ఉంటుంది.
•MTS (చౌకీదార్) పోస్టుకు కూడా ఒక ఖాళీ ఉంది. 10వ తరగతి లేదా తత్సమాన అర్హతతో పాటు గుర్తింపు పొందిన సంస్థలో చౌకీదార్గా రెండేళ్ల అనుభవం ఉండాలి. వయసు 18 నుంచి 27 సంవత్సరాలు. పే లెవల్-1లో రూ.18,000 నుంచి రూ.56,900 వరకు వేతనం ఉంటుంది.
వయో సడలింపు : రిజర్వేషన్ కేటగిరీలకు చెందిన అభ్యర్థులకు కేంద్ర ప్రభుత్వ నిబంధనల ప్రకారం వయో సడలింపు ఉంటుంది. OBC (నాన్-క్రీమీ లేయర్) అభ్యర్థులకు సంబంధిత పోస్టుల్లో మూడు సంవత్సరాల సడలింపు, SC అభ్యర్థులకు అర్హత ఉన్న పోస్టుల్లో ఐదు సంవత్సరాల సడలింపు వర్తిస్తుంది. ప్రభుత్వ ఉద్యోగులకు కూడా నిబంధనల ప్రకారం వయో సడలింపు ఉంటుంది.
దరఖాస్తు ఎలా చేయాలి : అభ్యర్థులు నోటిఫికేషన్లో ఇచ్చిన నిర్దేశిత దరఖాస్తు ఫార్మాట్ను ఉపయోగించి ఇంగ్లిష్ లేదా హిందీలో దరఖాస్తు పూర్తి చేయాలి. దరఖాస్తుతో పాటు స్వీయ ధృవీకరణ చేసిన ఫోటో, విద్యార్హత సర్టిఫికెట్లు, మార్కుల మెమోలు, కేటగిరీ సర్టిఫికెట్, అనుభవ ధ్రువపత్రం వంటి అవసరమైన పత్రాల ప్రతులను జత చేయాలి.
ప్రభుత్వ సంస్థలో ఇప్పటికే పనిచేస్తున్న అభ్యర్థులు అవసరమైతే యజమాని నుంచి NOC సమర్పించాలి. అదనంగా, అభ్యర్థి పేరు మరియు చిరునామాతో రూ.50 పోస్టల్ స్టాంప్ అతికించిన ఖాళీ కవర్ కూడా దరఖాస్తుతో పంపాలి. దరఖాస్తుకు జత చేసే అన్ని సంబంధిత పత్రాలు 03 నవంబర్ 2026 నాటికి లేదా అంతకంటే ముందు జారీ చేసినవిగా ఉండాలి. అసలు సర్టిఫికెట్లను దరఖాస్తుతో పంపాల్సిన అవసరం లేదు.
దరఖాస్తు పంపాల్సిన చిరునామా
పూర్తిగా నింపిన దరఖాస్తును అవసరమైన పత్రాలతో కలిసి సాధారణ పోస్టు ద్వారా మాత్రమే క్రింది చిరునామాకు పంపాలి:
Headquarters, Coast Guard Region (West),
Alexander Graham Bell Road,
PO Malabar Hill, Mumbai – 400006.
ఎంప్లాయ్మెంట్ న్యూస్లో ప్రకటన ప్రచురించిన తేదీ నుంచి 45 రోజుల్లోపు దరఖాస్తు సంబంధిత కార్యాలయానికి చేరాలి. ఈ నోటిఫికేషన్లో పేర్కొన్న చివరి తేదీ 03 నవంబర్ 2026.
ఎంపిక విధానం : మొదట అందిన దరఖాస్తులను అర్హతలు, అనుభవం, అవసరమైన పత్రాల ఆధారంగా పరిశీలిస్తారు. అర్హులైన అభ్యర్థులను తదుపరి దశలకు షార్ట్లిస్ట్ చేస్తారు. షార్ట్లిస్ట్ అయిన అభ్యర్థులకు ముందుగా డాక్యుమెంట్ వెరిఫికేషన్ నిర్వహిస్తారు. ఈ సమయంలో అసలు సర్టిఫికెట్లు, అవసరమైన స్వీయ ధృవీకరణ ప్రతులను తీసుకురావాలి. అలాగే బయోమెట్రిక్ ధృవీకరణలో భాగంగా వేలిముద్రలు, ఫొటో తీసుకుంటారు.
తర్వాత రాత పరీక్ష నిర్వహిస్తారు. పరీక్ష పెన్-పేపర్ విధానంలో ఒక గంట పాటు ఉంటుంది. ప్రశ్నపత్రంలో మొత్తం 80 ఆబ్జెక్టివ్ ప్రశ్నలు ఉంటాయి. ప్రతి సరైన సమాధానానికి ఒక మార్కు ఉంటుంది. ముఖ్యంగా ఈ పరీక్షలో నెగెటివ్ మార్కింగ్ లేదు.
పరీక్ష సిలబస్ : రాత పరీక్షలో సాధారణంగా ఈ అంశాల నుంచి ప్రశ్నలు ఉంటాయి:
– సాధారణ జ్ఞానం
– గణితం
– జనరల్ ఇంగ్లిష్
– సంబంధిత పోస్టుకు సంబంధించిన ట్రేడ్/వృత్తి అంశాలు
దరఖాస్తు చివరి తేదీ: 03 నవంబర్ 2026. పోస్టు ద్వారా దరఖాస్తు పంపే అభ్యర్థులు చివరి తేదీ వరకు వేచి ఉండకుండా ముందుగానే పంపడం మంచిది. పూర్తి నిబంధనలు, దరఖాస్తు ఫార్మాట్ మరియు ఇతర వివరాలను అధికారిక నోటిఫికేషన్లో పరిశీలించాలి.
🛑Notification Pdf Click Here
🛑Application Pdf Click Here
