7th అర్హతతో జిల్లాలో జాతీయ ఆయుష్ మిషన్ ఆధ్వర్యంలో ఉద్యోగాలు.. అర్హతలు, జీతం, దరఖాస్తు వివరాలు | TS Ayush OutsourcingRecruitment 2026

Telangana Ayush Outsourcing Recruitment 2026 : తెలంగాణలో ఉద్యోగాల కోసం ఎదురుచూస్తున్న అభ్యర్థులకు గుడ్ న్యూస్. హనుమకొండ జిల్లాలో జాతీయ ఆయుష్ మిషన్ ఆధ్వర్యంలో వివిధ పోస్టుల భర్తీకి జిల్లా కలెక్టర్ కార్యాలయం నోటిఫికేషన్ విడుదల చేసింది. మొత్తం 8 పోస్టులను అవుట్‌సోర్సింగ్ విధానంలో భర్తీ చేయనున్నారు. అర్హత ఉన్న అభ్యర్థులు అక్టోబర్ 28, 2026లోపు దరఖాస్తు చేసుకోవాలి.

WhatsApp Group Join Now

Telegram Group Join Now

ఈ నోటిఫికేషన్ ద్వారా ఆయుష్ మెడికల్ ఆఫీసర్, ఫార్మసిస్ట్, సైకోసోషల్ కౌన్సెలర్, యోగా ప్రొఫెషనల్, మల్టీ పర్పస్ వర్కర్ పోస్టులను భర్తీ చేయనున్నారు.

పోస్టు పేరు, ఖాళీలు & నెలవారీ వేతనం

• ఆయుష్ మెడికల్ ఆఫీసర్ – 3 – ₹40,000/-
• ఫార్మసిస్ట్ – 1 – ₹15,000/-
• సైకోసోషల్ కౌన్సెలర్ – 1 – ఒక్కో సెషన్‌కు ₹500/-
• యోగా ప్రొఫెషనల్ – 1 – ₹28,000/-
• మల్టీ పర్పస్ వర్కర్ (MPW) – 2 – ₹15,000/-
• మొత్తం : 8

సైకోసోషల్ కౌన్సెలర్ పోస్టు ఆన్‌కాల్ విధానంలో ఉంటుంది. నోటిఫికేషన్ ప్రకారం సంవత్సరానికి కనీసం 200 సెషన్లు నిర్వహించాల్సి ఉంటుంది.

విద్యార్హతలు :

• ఆయుష్ మెడికల్ ఆఫీసర్ : గుర్తింపు పొందిన విశ్వవిద్యాలయం నుంచి ఆయుర్వేదం, యునాని, హోమియోపతి లేదా సంబంధిత అర్హత కలిగిన ప్రకృతి వైద్య విధానంలో డిగ్రీ పూర్తి చేసి ఉండాలి. అవసరమైన ఇంటర్న్‌షిప్ కూడా పూర్తి చేయాలి.

• ఫార్మసిస్ట్ : D.Pharmacy, B.Pharmacy లేదా Pharm.D అర్హత ఉండాలి. తెలంగాణ ఫార్మసీ కౌన్సిల్‌లో రిజిస్ట్రేషన్ తప్పనిసరి.

• సైకోసోషల్ కౌన్సెలర్ : గుర్తింపు పొందిన విశ్వవిద్యాలయం లేదా సంస్థ నుంచి సోషల్ వర్క్‌లో మాస్టర్స్ డిగ్రీ (MSW) పూర్తి చేసి ఉండాలి.

• యోగా ప్రొఫెషనల్ : నోటిఫికేషన్‌లో పేర్కొన్న అర్హతల ప్రకారం నేచురోపతి డిగ్రీ లేదా డిప్లొమా ఇన్ నేచురోపతి అండ్ యోగిక్ సైన్సెస్ కలిగి ఉండాలి.

• మల్టీ పర్పస్ వర్కర్ : ఏడో తరగతి ఉత్తీర్ణులై ఉండాలి. సైకిల్ లేదా మోటార్‌సైకిల్ నడపగలగాలి.

వయోపరిమితి : అభ్యర్థుల వయస్సు 18 నుంచి 44 సంవత్సరాల మధ్య ఉండాలి. వయస్సును 1 జూలై 2026 నాటికి లెక్కిస్తారు. నిబంధనల ప్రకారం ఎస్సీ, ఎస్టీ, బీసీ అభ్యర్థులకు ఐదేళ్లు, దివ్యాంగులకు పదేళ్లు, మాజీ సైనికులకు నిబంధనల ప్రకారం వయోసడలింపు ఉంటుంది.

ఎంపిక విధానం : అభ్యర్థులను జిల్లా ఎంపిక కమిటీ ద్వారా ఎంపిక చేస్తారు. మొత్తం 100 మార్కులకు ఎంపిక ప్రక్రియ నిర్వహిస్తారు. ఆయుష్ మెడికల్ ఆఫీసర్, ఫార్మసిస్ట్, కౌన్సెలర్, యోగా ప్రొఫెషనల్ పోస్టులకు అర్హత పరీక్షలో సాధించిన మార్కులకు 90 మార్కులు కేటాయిస్తారు. మల్టీ పర్పస్ వర్కర్ పోస్టుకు రాత పరీక్ష నిర్వహిస్తారు. అన్ని పోస్టులకు వయస్సు ఆధారంగా గరిష్ఠంగా 10 మార్కుల వెయిటేజీ ఉంటుంది. మార్కుల ఆధారంగా మెరిట్ జాబితా రూపొందిస్తారు.

దరఖాస్తు తేదీలు, చిరునామా : ఈ ఉద్యోగాలకు దరఖాస్తులు అక్టోబర్ 22 నుంచి అక్టోబర్ 28, 2026 వరకు స్వీకరిస్తారు. పని దినాల్లో ఉదయం 10:30 నుంచి సాయంత్రం 5 గంటల వరకు దరఖాస్తులు సమర్పించవచ్చు.

దరఖాస్తులను స్వయంగా లేదా రిజిస్టర్డ్ పోస్టు ద్వారా కింది చిరునామాకు పంపాలి.

చిరునామా : జిల్లా వైద్య మరియు ఆరోగ్య అధికారి కార్యాలయం,
ఎస్-16, రెండో అంతస్తు,
ఇంటిగ్రేటెడ్ డిస్ట్రిక్ట్ ఆఫీసర్స్ కాంప్లెక్స్ (IDOC),
హనుమకొండ జిల్లా – 506001, తెలంగాణ.

అక్టోబర్ 28, 2026 సాయంత్రం 5 గంటల తర్వాత అందిన దరఖాస్తులను స్వీకరించరు. పోస్టల్ ఆలస్యాలకు అధికారులు బాధ్యత వహించరని నోటిఫికేషన్‌లో పేర్కొన్నారు.

దరఖాస్తుతో జతచేయాల్సిన పత్రాలు

అభ్యర్థులు పదో తరగతి, ఇంటర్మీడియట్ సర్టిఫికెట్లు, సంబంధిత విద్యార్హత ధ్రువపత్రాలు, మార్కుల మెమోలు, అవసరమైన రిజిస్ట్రేషన్ సర్టిఫికెట్లు, కుల ధ్రువీకరణ పత్రం, స్థానికత లేదా నివాస ధ్రువీకరణ పత్రం, వర్తించే దివ్యాంగుల లేదా మాజీ సైనికుల ధ్రువపత్రాలు, ఫొటో తదితర పత్రాలను నోటిఫికేషన్ సూచనల ప్రకారం జతచేయాలి. అవసరమైన ధ్రువపత్రాల ప్రతులను గెజిటెడ్ అధికారి ద్వారా ధ్రువీకరించాలి.

దరఖాస్తు చేసే ముందు తెలుసుకోవాల్సిన విషయం : ఈ నియామకాలు 31 మార్చి 2027 వరకు అవుట్‌సోర్సింగ్ విధానంలో ఉంటాయి. ఆ తర్వాత సేవల కొనసాగింపు అవసరం, పనితీరు ఆధారంగా ఉంటుంది. కాబట్టి దరఖాస్తు చేసే ముందు అధికారిక నోటిఫికేషన్‌లో పోస్టుల అర్హతలు, రిజర్వేషన్, ధ్రువపత్రాల వివరాలను పూర్తిగా పరిశీలించండి.