Telangana Anganwadi Jobs 2026: కొత్తగా జిల్లాలో 264 పోస్టులు.. అర్హత, దరఖాస్తు వివరాలు ఇవే
Telangana Anganwadi Jobs 2026 Vikarabad 264 Posts : జిల్లాలో 102 అంగన్వాడీ టీచర్లు, 162 ఆయా పోస్టుల భర్తీకి దరఖాస్తులు ప్రారంభం. అర్హతలు, వయస్సు, ఎంపిక విధానం, చివరి తేదీ, అప్లై లింక్ వివరాలు తెలుసుకోండి.
తెలంగాణలో అంగన్వాడీ ఉద్యోగాల కోసం ఎదురుచూస్తున్న మహిళలకు శుభవార్త. మరో జిల్లా మహిళా, శిశు, దివ్యాంగుల మరియు వయోవృద్ధుల సంక్షేమ శాఖ పరిధిలోని ఐసీడీఎస్ ప్రాజెక్టుల్లో మొత్తం 264 అంగన్వాడీ పోస్టుల భర్తీకి దరఖాస్తులు ఆహ్వానించారు. ఇందులో 102 అంగన్వాడీ టీచర్ పోస్టులు, 162 అంగన్వాడీ ఆయా పోస్టులు ఉన్నాయి. అర్హత కలిగిన మహిళలు ఆన్‌లైన్ ద్వారా దరఖాస్తు చేసుకోవచ్చు.
విద్యార్హత, వయోపరిమితి
అంగన్వాడీ టీచర్ పోస్టులకు దరఖాస్తు చేసుకునే మహిళలు తప్పనిసరిగా ఇంటర్మీడియట్ లేదా 12వ తరగతి ఉత్తీర్ణులై ఉండాలి. అభ్యర్థుల వయస్సు 18 నుంచి 35 సంవత్సరాల మధ్య ఉండాలి. 2026 జూలై 1 నాటికి 18 సంవత్సరాలు నిండి ఉండాలి. స్థానికత, రిజర్వేషన్లు, ఇతర అర్హతలకు సంబంధించిన పూర్తి నిబంధనలను అధికారిక నోటిఫికేషన్‌లో పరిశీలించాలి.
స్థానిక మహిళలకే ప్రాధాన్యం
ఈ ఉద్యోగాలకు సంబంధిత అంగన్వాడీ కేంద్రం పరిధిలో నివసించే స్థానిక మహిళలు మాత్రమే అర్హులు. గ్రామీణ ప్రాంతాల్లో సంబంధిత గ్రామ పంచాయతీ పరిధిలో, పట్టణ ప్రాంతాల్లో సంబంధిత వార్డులో నివసిస్తూ ఉండాలి. కొన్ని రిజర్వేషన్ కేటగిరీల పోస్టులకు నిర్దిష్ట గ్రామం లేదా నివాస ప్రాంతానికి చెందిన అభ్యర్థులే అర్హులు. కాబట్టి దరఖాస్తు చేసుకునే ముందు మీ ప్రాంతానికి సంబంధించిన నిబంధనలను తప్పనిసరిగా తనిఖీ చేయాలి.
ప్రాజెక్టుల వారీగా ఖాళీలు
ఈ నియామకాలు కోడంగల్, మర్పల్లి, పరిగి, తాండూర్, వికారాబాద్ ఐసీడీఎస్ ప్రాజెక్టుల పరిధిలో చేపడుతున్నారు. కోడంగల్‌లో 44, మర్పల్లిలో 35, పరిగిలో 105, తాండూర్‌లో 51, వికారాబాద్‌లో 29 పోస్టులు ఖాళీగా ఉన్నాయి. మొత్తం 264 పోస్టుల్లో పరిగి ప్రాజెక్టులో అత్యధికంగా 105 ఖాళీలు ఉన్నాయి.
ఎంపిక విధానం ఎలా ఉంటుంది
ఎంపికకు మొత్తం 100 మార్కుల వెయిటేజ్ విధానాన్ని ప్రకటించారు. ఇంటర్మీడియట్ లేదా 12వ తరగతి మార్కులకు 70 మార్కులు కేటాయించారు. వితంతువులకు 5 మార్కులు, అనాథ అభ్యర్థులకు 10 మార్కులు, అర్హత కలిగిన దివ్యాంగులకు 5 మార్కులు, సెలక్షన్ కమిటీ ఇంటర్వ్యూకు 10 మార్కులు కేటాయించారు. సంబంధిత ప్రభుత్వ ఉత్తర్వులు, అధికారిక నోటిఫికేషన్‌లో పేర్కొన్న నిబంధనల ప్రకారం ఎంపిక ప్రక్రియ ఉంటుంది.
అవసరమైన ధ్రువీకరణ పత్రాలు
దరఖాస్తు ప్రక్రియలో భాగంగా పుట్టిన తేదీ లేదా వయస్సు ధ్రువీకరణ పత్రం, కుల ధ్రువీకరణ పత్రం, ఇంటర్మీడియట్ మార్కుల జాబితా, నివాస ధ్రువీకరణ పత్రం సిద్ధంగా ఉంచుకోవాలి. వర్తించే అభ్యర్థులు దివ్యాంగత్వం, భర్త మరణం, అనాథ, స్పోర్ట్స్, మాజీ సైనికోద్యోగి, EWS ధ్రువీకరణ పత్రాలను కూడా సమర్పించాల్సి ఉంటుంది.
ముఖ్యమైన తేదీలు
ఆన్‌లైన్ దరఖాస్తుల స్వీకరణ 2026 అక్టోబర్ 10న ప్రారంభమైంది. దరఖాస్తు చేసుకోవడానికి చివరి తేదీ 2026 అక్టోబర్ 24, సాయంత్రం 5 గంటలు ఆన్‌లైన్‌లో దరఖాస్తు చేసిన అభ్యర్థులు 2026 అక్టోబర్ 26 నుంచి నవంబర్ 1 వరకు సంబంధిత ఐసీడీఎస్ ప్రాజెక్టు కార్యాలయంలో అవసరమైన ధ్రువీకరణ పత్రాల అటెస్టెడ్ జిరాక్స్ ప్రతులను సమర్పించాలి.
దరఖాస్తు ఎక్కడ చేయాలి :
అర్హత కలిగిన మహిళలు తెలంగాణ మహిళా అభివృద్ధి, శిశు సంక్షేమ శాఖ అధికారిక వెబ్‌సైట్ ద్వారా మాత్రమే దరఖాస్తు చేసుకోవాలి.
అధికారిక వెబ్‌సైట్: https://wdcw.tg.nic.in
దరఖాస్తు చేసుకునే ముందు పూర్తి నోటిఫికేషన్‌ను చదివి, మీ స్థానికత, రిజర్వేషన్, విద్యార్హతలకు సంబంధించిన నిబంధనలను నిర్ధారించుకోండి. చివరి తేదీ వరకు వేచి ఉండకుండా ముందుగానే దరఖాస్తు పూర్తి చేయడం మంచిది.
🛑Notification Pdf Click Here
🛑Vacancy Detail Click Here
🛑Official Website Click Here
🛑 Apply Online Link Click Here
