AP Fire Driver Operator Jobs 2026: 10వ తరగతి అర్హతతో 147 ఫైర్ సర్వీసెస్ డ్రైవర్ ఆపరేటర్ ఉద్యోగాలు.. పూర్తి వివరాలు ఇవే
AP SLPRB Driver Operator in State Disaster Response and Fire Services DepartmentNotification : ఆంధ్రప్రదేశ్లో ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు గుడ్ న్యూస్. ఆంధ్రప్రదేశ్ స్టేట్ లెవల్ పోలీస్ రిక్రూట్మెంట్ బోర్డు (SLPRB) ఆధ్వర్యంలోని ఈ రోజులు ఫైర్ సర్వీసెస్లో 147 డ్రైవర్ ఆపరేటర్ ఉద్యోగాలు భర్తీకి ప్రకటన విడుదలైంది. ఈ ఉద్యోగాలకు సంబంధించిన దరఖాస్తుల అర్హత, వయసు నోటిఫికేషన్ ఇచ్చారు. పరీక్షల షెడ్యూల్, స్వీకరణ తేదీలు, ఇతర పూర్తి వివరాలను త్వరలో ప్రకటించనున్నట్లు సమాచారం.
ఈ రిక్రూట్మెంట్లో ముఖ్యంగా 10వ తరగతి విద్యార్హతతో పాటు కనీసం రెండేళ్ల చెల్లుబాటులో ఉన్న హెవీ ట్రాన్స్పోర్ట్ డ్రైవింగ్ లైసెన్స్ కలిగి ఉండటం కీలక అర్హతగా ఉంది. అభ్యర్థుల వయసు, శారీరక ప్రమాణాలు, డ్రైవింగ్ టెస్ట్, ఫిజికల్ ఎఫిషియెన్సీ, రాత పరీక్ష ఆధారంగా ఎంపిక ప్రక్రియ కొనసాగనుంది.
AP Fire Driver Operator Notification 2026 – ఉద్యోగాలకు ముఖ్యమైన వివరాలు
• శాఖ: ఆంధ్రప్రదేశ్ ఫైర్ సర్వీసెస్
• రిక్రూట్మెంట్ సంస్థ: ఆంధ్రప్రదేశ్ స్టేట్ లెవల్ పోలీస్ రిక్రూట్మెంట్ బోర్డు (SLPRB), Andhra Pradesh
• పోస్టు: డ్రైవర్ ఆపరేటర్
• మొత్తం ఖాళీలు: 147
• విద్యార్హత: 10వ తరగతి లేదా తత్సమానం
• డ్రైవింగ్ లైసెన్స్: హెవీ ట్రాన్స్పోర్ట్ డ్రైవింగ్ లైసెన్స్
• కనీస లైసెన్స్ అనుభవం: 2 సంవత్సరాలు
• వయసు: 18 నుంచి 30 సంవత్సరాలు
• ఎంపిక విధానం: PMT, PET, డ్రైవింగ్ టెస్ట్, రాత పరీక్ష
విద్యార్హత : డ్రైవర్ ఆపరేటర్ ఉద్యోగాలకు దరఖాస్తు చేసుకునే అభ్యర్థులు 10వ తరగతి లేదా తత్సమాన విద్యార్హత కలిగి ఉండాలి. అదేవిధంగా నోటిఫికేషన్ తేదీ నాటికి కనీసం రెండేళ్ల పాటు చెల్లుబాటులో ఉన్న హెవీ ట్రాన్స్పోర్ట్ డ్రైవింగ్ లైసెన్స్ తప్పనిసరిగా ఉండాలి.
వయోపరిమితి : అభ్యర్థుల వయసు 18 నుంచి 30 సంవత్సరాల మధ్య ఉండాలి. ఇచ్చిన వివరాల ప్రకారం 1996 జూలై 2 తర్వాత, 2008 జూలై 1 కంటే ముందు జన్మించిన వారు సాధారణ వయోపరిమితిలో అర్హులుగా ఉంటారు. అయితే ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు ఐదేళ్ల వయోపరిమితి సడలింపు వర్తిస్తుంది.
ఎంపిక ప్రక్రియలో కీలక మార్పులు : ఈసారి ఫైర్ సర్వీసెస్ డ్రైవర్ ఆపరేటర్ రిక్రూట్మెంట్లో ఎంపిక విధానంలో మార్పులు చేసినట్లు సమాచారం. గతంలో ఫిజికల్ మెజర్మెంట్ పరీక్షల అనంతరం డ్రైవింగ్ టెస్ట్ ఆధారంగా అభ్యర్థులను ఎంపిక చేసేవారు. అయితే ఈ రిక్రూట్మెంట్లో ఫిజికల్ ఎఫిషియెన్సీ టెస్ట్, డ్రైవింగ్ టెస్ట్తో పాటు రాత పరీక్ష కూడా నిర్వహించనున్నారు.
1. శారీరక కొలతల పరీక్ష – PMT : మొదట దరఖాస్తు చేసుకున్న అభ్యర్థులకు Physical Measurement Test (PMT) నిర్వహిస్తారు. ఇందులో నిర్దేశించిన శారీరక ప్రమాణాలను సాధించిన అభ్యర్థులను తదుపరి దశకు ఎంపిక చేస్తారు.
2. దేహదారుఢ్య పరీక్ష – PET : PMTలో అర్హత సాధించిన అభ్యర్థులకు Physical Efficiency Test (PET) నిర్వహిస్తారు. ఈ పరీక్షలో భాగంగా 1,600 మీటర్ల పరుగును 10 నిమిషాలు లేదా అంతకంటే తక్కువ సమయంలో పూర్తి చేయాలి. ఈ పరుగు పరీక్ష క్వాలిఫైయింగ్ పరీక్ష మాత్రమే. అంటే ఇందులో అర్హత సాధించాలి కానీ ఇది తుది మెరిట్కు మార్కులు కలిపే పరీక్షగా పేర్కొనలేదు.
3. డ్రైవింగ్ టెస్ట్ : PETలో అర్హత సాధించిన అభ్యర్థులకు 100 మార్కులకు డ్రైవింగ్ టెస్ట్ నిర్వహిస్తారు. ఈ పరీక్షలో అభ్యర్థుల డ్రైవింగ్ నైపుణ్యాలను ఉన్నతాధికారుల కమిటీ పరిశీలిస్తుంది. డ్రైవింగ్ టెస్ట్లో నిర్దేశిత ప్రమాణాలను సాధించిన అభ్యర్థులు తదుపరి దశకు వెళ్తారు.
4. రాత పరీక్ష : డ్రైవింగ్ టెస్ట్లో అర్హత సాధించిన అభ్యర్థులకు చివరి దశలో రాత పరీక్ష నిర్వహించనున్నారు.
అందువల్ల ఈసారి అభ్యర్థులు కేవలం డ్రైవింగ్ నైపుణ్యాలపైనే కాకుండా ఫిజికల్ టెస్ట్, డ్రైవింగ్ టెస్ట్తో పాటు రాత పరీక్షకు కూడా సిద్ధం కావాలి.
దరఖాస్తు తేదీలు ఎప్పుడు?
147 డ్రైవర్ ఆపరేటర్ పోస్టులకు సంబంధించిన దరఖాస్తుల స్వీకరణ తేదీలు, పరీక్ష తేదీలు, పరీక్ష విధానం, ఫీజు, శారీరక ప్రమాణాలు, సిలబస్ తదితర పూర్తి వివరాలతో కూడిన షెడ్యూల్ను SLPRB త్వరలో ప్రకటించనుంది. అధికారిక షెడ్యూల్ విడుదలైన తర్వాత దరఖాస్తు ప్రారంభ తేదీ, చివరి తేదీ, పరీక్ష తేదీలపై స్పష్టత వస్తుంది.
అభ్యర్థులు ఇప్పటి నుంచే ఏం చేయాలి?
నోటిఫికేషన్కు సంబంధించిన పూర్తి షెడ్యూల్ కోసం ఎదురుచూస్తున్న అభ్యర్థులు ముందుగానే తమ 10వ తరగతి విద్యార్హత పత్రాలు, హెవీ ట్రాన్స్పోర్ట్ డ్రైవింగ్ లైసెన్స్, వయసు ధ్రువీకరణ పత్రాలు సిద్ధంగా ఉంచుకోవడం మంచిది. అలాగే 1,600 మీటర్ల పరుగు ఉండటంతో అభ్యర్థులు తమ శారీరక సామర్థ్యాన్ని మెరుగుపరుచుకునేందుకు సురక్షితమైన, వయసుకు తగిన శిక్షణను ముందుగానే ప్రారంభించవచ్చు.
ఇప్పటికే ఇతర ప్రభుత్వ ఉద్యోగాల నోటిఫికేషన్లు : ఆంధ్రప్రదేశ్లో ఇటీవల ప్రభుత్వ ఉద్యోగాల భర్తీ ప్రక్రియ వేగం పెరిగింది. ఇప్పటికే APPSC ద్వారా 892 పోస్టులు, పోలీస్ శాఖలో 2,050 ఉద్యోగాలకు సంబంధించిన నోటిఫికేషన్లు వచ్చినట్లు సమాచారం.
ఈ నేపథ్యంలో తాజాగా ఫైర్ సర్వీసెస్లో 147 డ్రైవర్ ఆపరేటర్ పోస్టుల ప్రకటన వెలువడటం ఉద్యోగార్థులకు మరో అవకాశం కానుంది. ఈ 147 పోస్టులకు సంబంధించిన దరఖాస్తు ప్రారంభ తేదీ, చివరి తేదీ, పరీక్షల షెడ్యూల్, ఫీజు, పూర్తి సిలబస్, PMT ప్రమాణాలు, డ్రైవింగ్ టెస్ట్ వివరాలు https://slprb.ap.gov.in/ అధికారికంగా వెల్లడైన తర్వాతే తుది సమాచారం స్పష్టమవుతుంది.
🛑 Notification Pdf Click Here
🛑Official Website Click Here
