ఇంటర్ అర్హతతో ఆర్మీలో ఆఫీసర్ ఉద్యోగాలు.. పూర్తి వివరాలు | Indian Army TES-57 Recruitment 2026
Indian Army TES-57 Recruitment 2026 : ఇంటర్ పూర్తి చేసి భారత సైన్యంలో ఆఫీసర్‌గా ఉద్యోగం సాధించాలని కోరుకునే యువకులకు మంచి అవకాశం. ఇండియన్ ఆర్మీ టెక్నికల్ ఎంట్రీ స్కీమ్ (TES-57) ద్వారా 2027 జూలై కోర్సులో ప్రవేశానికి దరఖాస్తులు ఆహ్వానిస్తోంది. ఈ ఎంట్రీ ద్వారా ఎంపికైన అభ్యర్థులకు ఇంజినీరింగ్ డిగ్రీతో పాటు ఆర్మీలో పర్మినెంట్ కమిషన్ పొందే అవకాశం ఉంటుంది.
ఈ కోర్సుకు మొత్తం 90 పోస్టులు కేటాయించారు. అయితే, పోస్టుల సంఖ్య మారే అవకాశం ఉంది. అర్హత కలిగిన అవివాహిత పురుష అభ్యర్థులు ఆన్‌లైన్‌లో దరఖాస్తు చేసుకోవచ్చు.
Indian Army TES-57 Recruitment 2026 Overview
సంస్థ: ఇండియన్ ఆర్మీ
కోర్సు పేరు: TES-57 (జూలై 2027)
మొత్తం ఖాళీలు: 90 (తాత్కాలికం)
అర్హత: ఇంటర్‌లో MPC/PCMలో కనీసం 60% మార్కులు
తప్పనిసరి అర్హత: JEE Mains 2026 పరీక్షకు హాజరై ఉండాలి
వయస్సు: 16.5 నుంచి 19.5 సంవత్సరాలు
ఎవరికి అవకాశం: అవివాహిత పురుష అభ్యర్థులకు మాత్రమే
దరఖాస్తు ప్రారంభం: 14 అక్టోబర్ 2026, మధ్యాహ్నం 12 గంటల నుంచి
చివరి తేదీ: 12 నవంబర్ 2026
ఎంపిక విధానం: షార్ట్‌లిస్టింగ్, SSB ఇంటర్వ్యూ, మెడికల్ పరీక్ష, మెరిట్ జాబితా
శిక్షణ వ్యవధి: 4 సంవత్సరాలు
శిక్షణ అనంతరం: ఇంజినీరింగ్ డిగ్రీతో పాటు లెఫ్టినెంట్ హోదాలో పర్మనెంట్ కమిషన్
స్టైపెండ్ : మూడేళ్ల శిక్షణ పూర్తయ్యాక నిబంధనల ప్రకారం నెలకు ₹56,100
ప్రారంభ మూల వేతనం : నెలకు ₹56,100 నుంచి, ఇతర వర్తించే అలవెన్సులు అదనం
అధికారిక వెబ్‌సైట్: https://www.joinindianarmy.nic.in
విద్యార్హతలు అభ్యర్థులు గుర్తింపు పొందిన బోర్డు నుంచి ఇంటర్మీడియట్ లేదా 10+2లో ఫిజిక్స్, కెమిస్ట్రీ, మ్యాథమెటిక్స్ (PCM) సబ్జెక్టులతో కనీసం 60 శాతం మార్కులు సాధించి ఉండాలి. అంతేకాకుండా JEE Mains 2026 పరీక్షకు హాజరై ఉండటం తప్పనిసరి. ఈ అర్హతలు ఉన్నవారే దరఖాస్తు చేసుకోవాలి.
వయోపరిమితి : 2027 జూలై 1 నాటికి అభ్యర్థుల వయస్సు 16.5 నుంచి 19.5 సంవత్సరాల మధ్య ఉండాలి. అంటే 2008 జనవరి 1 కంటే ముందు, 2011 జనవరి 1 తర్వాత జన్మించిన వారు ఈ కోర్సుకు అర్హులు కారు. వయస్సు నిర్ధారణకు పదో తరగతి సర్టిఫికెట్‌లోని పుట్టిన తేదీనే పరిగణనలోకి తీసుకుంటారు.
ఎంపిక విధానం : అభ్యర్థుల ఎంపిక ప్రక్రియలో మొదట దరఖాస్తులను పరిశీలించి, JEE Mains ర్యాంక్ తదితర ప్రమాణాల ఆధారంగా షార్ట్‌లిస్టింగ్ చేస్తారు. ఎంపికైన వారికి సర్వీసెస్ సెలక్షన్ బోర్డ్ (SSB) ఇంటర్వ్యూ నిర్వహిస్తారు. అనంతరం వైద్య పరీక్షలు, మెరిట్ జాబితా ఆధారంగా తుది ఎంపిక జరుగుతుంది.
SSB ఇంటర్వ్యూలు 2027 ఫిబ్రవరి నుంచి మార్చి మధ్య జరిగే అవకాశం ఉంది. అయితే, షార్ట్‌లిస్టింగ్ కటాఫ్, ఇంటర్వ్యూ తేదీలు, ఇతర వివరాలు అధికారిక నోటిఫికేషన్ ప్రకారం మారవచ్చు.
నాలుగేళ్ల శిక్షణ.. ఇంజినీరింగ్ డిగ్రీ : ఎంపికైన అభ్యర్థులకు మొత్తం నాలుగేళ్లపాటు శిక్షణ ఇస్తారు. మొదటి మూడు సంవత్సరాలు పుణేలోని CME, మౌలోని MCTE లేదా సికింద్రాబాద్‌లోని MCEME క్యాడెట్ ట్రైనింగ్ వింగ్‌లలో శిక్షణ ఉంటుంది. నాలుగో సంవత్సరం డెహ్రాడూన్‌లోని ఇండియన్ మిలిటరీ అకాడమీ (IMA)లో శిక్షణ ఇస్తారు. శిక్షణ విజయవంతంగా పూర్తి చేసిన అభ్యర్థులకు ఇంజినీరింగ్ డిగ్రీ ప్రదానం చేస్తారు. అనంతరం లెఫ్టినెంట్ హోదాలో భారత సైన్యంలో పర్మనెంట్ కమిషన్ లభిస్తుంది.
జీతం, స్టైపెండ్ వివరాలు : శిక్షణలో మూడేళ్లు పూర్తి చేసిన తర్వాత నిబంధనల ప్రకారం క్యాడెట్లకు నెలకు రూ.56,100 స్టైపెండ్ అందుతుంది. శిక్షణ పూర్తిచేసి లెఫ్టినెంట్‌గా నియమితులైన వారికి పే మ్యాట్రిక్స్ లెవల్-10 ప్రకారం నెలకు రూ.56,100 నుంచి రూ.1,77,500 వరకు మూల వేతనం ఉంటుంది. దీనికి అర్హతను బట్టి ఇతర అలవెన్సులు కూడా వర్తిస్తాయి.
ఎలా దరఖాస్తు చేసుకోవాలి : అర్హత కలిగిన అభ్యర్థులు ఇండియన్ ఆర్మీ అధికారిక వెబ్‌సైట్ https://www.joinindianarmy.nic.in ను సందర్శించాలి. అక్కడ ఆన్‌లైన్ అప్లికేషన్ విభాగంలో రిజిస్ట్రేషన్ చేసుకుని, అడిగిన వివరాలను జాగ్రత్తగా నమోదు చేయాలి. దరఖాస్తు సమర్పించే ముందు విద్యార్హతలు, పుట్టిన తేదీ, JEE Mains 2026 వివరాలను సరిచూసుకోవాలి.
SSB ఇంటర్వ్యూకు వెళ్లే సమయంలో పదో తరగతి సర్టిఫికెట్, ఇంటర్మీడియట్ మార్కుల జాబితా, గుర్తింపు పత్రం, JEE Mains 2026 ఫలితాల ప్రతిని సిద్ధంగా ఉంచుకోవాలి. ఇండియన్ ఆర్మీ TES-57 రిక్రూట్‌మెంట్ 2026 ద్వారా 90 పోస్టులకు దరఖాస్తులు ప్రారంభం. ఇంటర్‌లో PCM 60% మార్కులు, JEE Mains 2026 అర్హత, వయస్సు, జీతం, ఎంపిక విధానం వివరాలు తెలుసుకోండి.
🛑Notification Pdf Click Here
🛑Apply Online Link Click Here
